| کبھی ہم دوست ہوتے تھے |
| اجالے ساتھ ہوتے تھے |
| کہ جب بھی ہم ملا کرتے |
| تو غم کی موت ہوتی تھی |
| خوشی کی صبح ہوتی تھی |
| وہ دن اب یاد آتے ہیں |
| کہ سورج کے طلوع ہوتے |
| تری جانب رواں ہونا |
| تجھے پھر ساتھ لے کر اک |
| یگانہ کارواں ہونا |
| وہ دن اب یاد آتے ہیں |
| کہ اب تاریکیوں میں تو |
| نہیں امّید اجالے کی |
| کہ اب سورج نہیں چڑھتا |
| یہ اندھیرا نہیں مرتا |
| کہ راتوں کے اندھیروں میں |
| اجالے یاد آتے ہیں |
| وہ دن اب یاد آتے ہیں |
| کہ جب ہم دوست ہوتے تھے |
| اجالے ساتھ ہوتے تھے |
معلومات