| حقیقت سے ابہام ہوتے گئے ہیں |
| مرے خواب نیلام ہوتے گئے ہیں |
| جو محفل میں اک بار آئے تری وہ |
| زبانِ زدِ عام ہوتے گئے ہیں |
| اسے ہم نے جو مڑ کے اس بار دیکھا |
| حیا سے وہ گلفام ہوتے گئے ہیں |
| مسیحا سے جو زخم مجھ کو ملے وہ |
| سبھی زخم انعام ہوتے گئے ہیں |
| مرے خوں کے چھینٹوں کی ہے یہ کرامت |
| کہ روشن درو بام ہوتے گئے ہیں |
| اثر ہے یہ تیری ہی صحبت کا جاناں |
| ہمیں شعر الہام ہوتے گئے ہیں |
| مرے رازداں نے ردا جب اٹھائی |
| عیاں ہم سرِ عام ہوتے گئے ہیں |
| ہیں تیرے تو الفاظ ہی مثلِ مرہم |
| دکھی دل تبھی رام ہوتے گئے ہیں |
| ہیں نایاب محمؔود اہلِ وفا اب |
| دعا دے کے بدنام ہوتے گئے ہیں |
| کلام وسیم احمد محمؔود بٹ |
| 28 مارچ 2021 |
معلومات