| '''''''''''''''''''''''''''' |
| ذاتِ محمد |
| صلی اللّٰہ علیہ وسلم |
| خدا کی رحمتیں ان پر ہوں نازل |
| خدا بھیجے سلامیں ان پہ کامل |
| """"""""""""""""""""""""""""""""""""""""""" |
| """"""""""""""""""""""""""""""""""""""""""" |
| کھلا قرآن ہے ذاتِ محمد |
| خدا کی شان ہے ذاتِ محمد |
| بنا سارا جہاں اس کے لیے ہے |
| جہاں کی جان ہے ذاتِ محمد |
| رفعنا کہہ کے رب نے یہ بتایا |
| ورا ہر آن ہے ذاتِ محمد |
| نبی برہان لے کر سب ہی آئے |
| ہاں خود برہان ہے ذاتِ محمد |
| خدا کے ہم پہ ہیں انعام بے حد |
| بڑا احسان ہے ذاتِ محمد |
| نہ حق باطل عیاں ہوتے کسی پر |
| مگر فرقان ہے ذاتِ محمد |
| مرے ہاتھوں میں بس دامن نبی کا |
| مرا ایقان ہے ذاتِ محمد |
| یوں تو عنوان ہیں لوگوں کے صدہا |
| مرا عنوان ہے ذاتِ محمد |
| شناخت ہوتی ہے رشتوں سے اکثر |
| مری پہچان ہے ذاتِ محمد |
| عمل تو ناز کے قابل کہاں ہیں |
| مرا تو مان ہے ذاتِ محمد |
| گدا بن کے کھڑے ہیں بادشاہ بھی |
| شہِ شاہان ہے ذاتِ محمد |
| ہماری عقل سے تو وہ ورا ہے |
| بڑی ذیشان ہے ذاتِ محمد |
| ہے وہ انساں مگر ہے اصلِ انسان |
| کمال انسان ہے ذاتِ محمد |
| بشر کی رٹ لگاتے ہو ذرا ہوش |
| بشر کی آن ہے ذاتِ محمد |
| ارے رضوی تَو کہتا فخر سے ہے |
| مرا ایمان ہے ذاتِ محمد |
| صلی اللّٰہ علیہ وسلم |
| خدا کی رحمتیں ان پر ہوں نازل |
| خدا بھیجے سلامیں ان پہ کامل |
| ؛؛؛؛؛؛؛؛؛ |
| عرض نمودہ: ابو الحسنین محمد فضلِ رسول رضوی |
| 18 ربیع الآخر 1446ھ/ 21 اکتوبر 2024ء |
| شب سہ شنبہ دس بج کر ستاون منٹ |
| :::::: |
معلومات