| بڑا عجب ملا ہے درد زندگی کے نام پر |
| جو چھین لے گیا ہے چین الفتوں کے نام پر |
| ملا ہے درد وہ کہ ہر نشاط بھول ہم گئے |
| کبھی ہمیں تھے بیچتے خوشی کو غم کے دام پر |
| کرے گا کون عدل اب کہ لوگ وہ نہیں رہے |
| ہوس کے مارے آج راج کر رہے نظام پر |
| بے بس مری نگاہ کے سوال کا جواب دو |
| مری کرو ہو روح تار تار کس کے نام پر |
| چراغ گل کرو کہ تیرگی کا راج ہے یہاں |
| کہ یاں پہ بھوک بک رہی محبتوں کے نام پر |
| نکال دے تو میرا ذکر زیست کی کتاب سے |
| بجھا ہوا میں دیپ ہوں کروں گا کیا میں بام پر |
| تو یاد رکھ وہ چھین لیں گے تجھ سے ہر خوشی تری |
| لگائیں گے وہ پہرے ایک دن ترے کلام پر |
| کلام وسیم احمد محؔمود بٹ |
معلومات