| حق گوئی کیا ہوتی ہے یہ ہم کو نہیں معلوم |
| گر آہ بھی کیجیے تو یہ سر تن سے جدا ہے |
| سازش میں مرے کوئی رقیبوں نے کمی کی |
| اس شوخ سے پٹنے کا تو اپنا ہی مزہ ہے |
| اس شہرِ پر آشوب میں سناٹا ہے کیسا |
| لب سب کے مقفل ہیں وہ خاموش کھڑا ہے |
| اس بزمِ بتاں میں ہوئے بے آبرو کتنے |
| پھر بھی دلِ کمبخت میں غیرت نہ حیا ہے |
| پہلے کیا زندان میں پھر پہلو میں اپنے |
| یوسف بھی زلیخا پہ فدا ایسے ہوا ہے |
| کیوں پیرِ فلک کی مجھے اب ہوگی ضرورت |
| قائم جو مرے سر ترے گیسو کی گھٹا ہے |
| بے جا نہیں گر کہہ دیں اسے برقِ سماوات |
| ہے شبنم و بارود تو پھر بھی یہ بجا ہے |
معلومات