| آج کیا رنگ ہے فضا کا ہوا |
| دُور ماتم کسی عزا کا ہوا |
| سر فروشوں کو خوف مرگ نہیں |
| معجزہ جب سے کربلا کا ہوا |
| طفل شش ماہ تیر کھا کے مرا |
| حوصلہ کس قدر قضا کا ہوا |
| تیر اصغر نے اس ادا سے لیا |
| مرد میداں کوئی بلا کا ہوا |
| جس کے شانے کٹے گرے نہ علم |
| ہے علمدار وہ وفا کا ہوا |
| کوئی نسبت نہیں ہے حر سے تجھے |
| زر کا طالب تو وہ رضا کا ہوا |
| جس نے وعدہ وفا خدا سے کیا |
| ہے طلبگار وہ جزا کا ہوا |
| سر فروشی کی خو مجھے بھی ملی |
| اثر دیونؔ میری نوا کا ہوا |
معلومات