| ہم آج خود سے غیروں کی طرح مل رہے ہیں |
| نفرت میں کس قدر ہم آگے نکل رہے ہیں |
| حساس دل جو رکھتے تھے وہ چلے گئے ہیں |
| وحشی زمانے کے سورج کو نگل رہے ہیں |
| ٹھہری فضول شے اب دنیا میں ہے مروت |
| معیار زندگی کے سارے بدل رہے ہیں |
| محموؔد آج خود انساں بن چکا درندہ |
| سب جانور بنے لاشوں پر اچھل رہے ہیں |
| تجھ سے درندگی بھی شرمانے لگ پڑی ہے |
| یہ کون ہیں جو بن کر انسان چل رہے ہیں |
| انسان کا ہوا چہرہ کس قدر بھیانک |
| اعصاب دیکھنے سے تجھ کو ہو شل رہے ہیں |
| ارزاں لہو کو ابنِ آدم کا دیکھ اتنا |
| سیلِ رواں کی صورت آنسو نکل رہے ہیں |
| آواز میں قیامت کا کرب اک چھپا تھا |
| اس کی صدا سے پتھر دل بھی پگھل رہے ہیں |
| تیرے ہی قتل پر تھا ابلیس بھی یہ بولا |
| عصمت کے اب جنازے ہر دم نکل رہے ہیں |
| خاموش ہوں مگر سن سکتا ہوں میں سبھی کو |
| آہوں کو نالوں کو جو دل سے نکل رہےہیں |
| مردہ ضمیر بستی مردہ ضمیر باسی |
| یہ راستے کہاں کو میرے نکل رہے ہیں |
| قسمت میں ہیں حوادث اب میری اور کتنے |
| کچھ تو بتاؤ مجھ کو کب دن بدل رہے ہیں |
| کلام : وسیم احمد محموؔد بٹ |
معلومات