| مرشدِ کامل کی یاد |
| کلام ابو الحسنین محمد فضلِ رسول رضوی، کراچی |
| مجھ سے تعریف مُرشِد کی کیا ہو بیاں |
| مجھ سے تعریف مُرشِد کی کیا ہو بیاں |
| تاب کب لائے اِس کی مِری یہ زُباں |
| اب مِلے گا نہ ایسا کوئی بھی یہاں |
| ڈھونڈو گے تو نہ پاؤ گے تم ایسی شاں |
| دیکھا ناں ہے کہیں ، ہم نے اُن سا حَسیں |
| بِالْیَقِیْں بِالْیَقِیْں بِالْیَقِیْں بِالْیَقِیْں |
| آنکھ تھی پُر کَشَش دِل کِھچا جاتا تھا |
| آنکھ اُن کی اُٹھے دِل جُھکا جاتا تھا |
| جب نَظَر ہم پہ ہو دِل لُٹا جاتا تھا |
| جب نَظَر وہ کریں دِل بِکا جاتا تھا |
| کَیسے ہیں مَہْ جَبِیں میرے دل کے قَرِیں |
| آنکھ ایسی حَسِیں سُرْمَگِیں سُرْمَگِیں |
| لَب ہِلیں رَس گُھلیں دِل کَرے جام لوں |
| اُن لبوں سے بَشارت سَرِ عام لوں |
| لب ہیں وہ پھولوں کی پتِّیاں تھام لوں |
| لب مِرے کِھل اُٹھیں اُن کا جب نام لوں |
| لب کُھلیں مَدْح میں بَس نہیں اور کَہِیں |
| یاسَمیں یاسَمیں یاسَمیں یاسَمیں |
| لَب کُھلے تو گُلابوں کے بھی دِن بَھلے |
| دِن پِھرے دِل مِلے سَب چَمَن بھی پَھلے |
| اس ادا سے مِرا دِل چُرا کر چَلے |
| ان لَبوں کے تَبَسُّم سے غَم سب ٹَلے |
| دیکھ لو دانت تو ڈِبْیَا میں ہیں نََگیں |
| اَنگَبِیں اَنگَبِیں اَنگَبِیں اَنگَبِیں |
| عَکْس ہے دِل میں رُخْ کا بڑا دِل رُبا |
| رُخْ کجا، میں کجا، رُخْ تو ہے جاں فِزا |
| رُخْ کہاں، گُل کہاں ، رُخْ پہ ہے گُل فِدا |
| دِل کا رُخْ بھی ہے رُخْ کی طرف بس لَگا |
| رُخْ کہوں، دِل کہوں، يا کہوں مَہْ مُبِیْں |
| آتَشِیںں آتَشِیںں آتَشِیںں آتَشِیںں |
| ایسا ہوگا کہاں، خُوبصُورت کوئی |
| لاؤ ایسی، کہیں سے بھی مُورت کوئی |
| ہوتی حیرت کو بھی تو ہے حیرت کوئی |
| اب نہیں ، اور کہیں میری بیَْعَت کوئی |
| ہے کہاں اَب طَرِیقَت کا ایسا اَمِیں |
| ہاں نہیں ہاں نہیں ہاں نہیں ہاں نہیں |
| مُکھ پہ ہیں رِفْعَتَوں کے چََمَکْتے نِشاں |
| دیکھو کیسے ہے ان کی جَبِیں ضَوفِشاں |
| آتی ہیں یوں نَظَر نُور کی جَھلْکِیاں |
| پَھیلی جیسے یہاں سے وہاں کَہْکَشَاں |
| رِیْش ہے ریشَمیں، مُشْک بُو عَنبَریں |
| عنبَرِیں عنبَرِیں عنبَرِیں عنبَرِیں |
| دِل نہیں لَگْتا جب وہ نہ ہوں سامنے |
| کاش آ جائیں وہ پھر یوں سَنبھالنے |
| مِٹْتے تھے غَم سَبھی آتے جَب تھامنے |
| آئیں وہ پِھر مِرے سَب اَلَم ٹالنے |
| دِل میں ہے اب تو بَس یاد ان کی مَکِیں |
| دِل حَزِیْں دِل حَزِیْں دِل حَزِیْں دِل حَزِیْں |
| ہاتھوں سے اپنے وہ زَر لُٹا دیتے تھے |
| پَھنس گیا جب کوئی حَل بتا دیتے تھے |
| ہاتھ کے تھے کُھلے بے بَہا دیتے تھے |
| مَسْکَرا کر سَبھی غَم بُھلا دیتے تھے |
| دلِ رضْوی میں دَائم وہ مَسْنَدْ نَشِیْں |
| دِلْ نَشِیْں دِلْ نَشِیْں دِلْ نَشِیْں دِلْ نَشِیْں |
| از ابو الحسنین محمد فضلِ رسول رضوی، کراچی |
معلومات