| مجھے روشنی سی نظر آ رہی ہے |
| شبِ غم کے مارو سحر آ رہی ہے |
| صبا جانے کس حال میں آج کل ہے |
| نہ بلبل نہ گل کی خبر آ رہی ہے |
| ستاروں کی منزل میں کچھ فاصلے ہیں |
| اسی بیچ اک رہ گزر آ رہی ہے |
| دیارِ محبت کی کیا کچھ خبر ہے |
| نسیمِ سحر کب ادھر آ رہی ہے |
| مرے روبرو آئینہ رکھا تم نے |
| مگر شکل اپنی نظر آ رہی ہے |
| سنواری تھی کتنے سلیقے سے میں نے |
| تری زلف اب تا کمر آ رہی ہے |
| سراب آشنا دل کو امید کب تھی |
| یہاں تک تو گردِ سفر آ رہی ہے |
معلومات