| اس عاشقی میں اپنا ہوتا ہے حال کیا کیا |
| سر پر ہمارے دیکھو آیا وبال کیا کیا |
| کس چال کس ادا سے بدلے ہے پینترا وہ |
| اور ہم نے اپنے دل میں باندھے خیال کیا کیا |
| کیا دار کے بنا ہی بسمل شہید ہوگا؟ |
| ابرو ہیں اس کے کیسے ہیں خد و خال کیا کیا |
| پھر آ نہ جائیں اس پر انگڑائی کی بہاریں |
| شاخِ بدن غضب ہے اور اس پہ ڈال کیا کیا |
| اس کھال میں چھپے ہیں انگارے کیسے کیسے |
| اف اف ترے بدن پر چڑھتی ہے کھال کیا کیا |
| یہ کالی کالی زلفیں اس پر یہ خم قیامت |
| یہ آنکھ کیا نشیلی یہ لب ہیں لال کیا کیا |
| جب رب نے خود دیا ہے تجھ کو قوامِ احسن |
| درماندہ سا یہ شاعر دے گا مثال کیا کیا |
| مرتے ہیں جو بھی اس کو بہرِ شفا ہیں پیتے |
| جامِ دہن سے تیرے ٹپکے ہے رال کیا کیا |
معلومات