| منقبت در شانِ امامِ عالی مقام |
| سیدنا امامِ حسین رضی اللہ تعالٰی عنہ |
| کلام :ابوالحسنین محمد فضلِ رسول رضوی کراچی |
| مُصْطَفیٰ کی ہے ضِیا وہ پُر ضِیا مَولا حُسَیْن |
| مُرْتَضیٰ شیرِ خُدا کا دِلْرُبا مولا حسین |
| سَرْورِ کَونین کی نورِ نَظَر ہے فاطِمَہ |
| فاطمہ کی آنکھوں کا تارا بنا مَولا حُسَیْن |
| ہے شَبَابِ اَہْلِ جَنَّتْ کی سِیَادت بھی مِلی |
| ہے یہاں بھی اور وہاں بھی پیشوا مَولا حُسَیْن |
| خود نبی جس کو اٹھا کر بھی ادا کرتا نماز |
| کَرْبَلا کا وہ نمازی پھر ہوا مَولا حُسَیْن |
| جب لگا گِر نے، بَچا نے کے لیے نانا اٹھا |
| پھر لیا اُمَّت کو بھی اس نے بَچا مَولا حُسَیْن |
| بَیْعَتِ فاسِق نہ کی سب کچھ لُٹا کر بھی وہاں |
| یوں ڈَٹا حق کے لیے، وہ مُقْتَدا مَولا حُسَیْن |
| ہاتھ اپنا وہ کہاں دیتا یَزیدی ہاتھ میں |
| نانے سے کرتا رہا تھا جو وَفا مَولا حُسَیْن |
| جب نَظَر آئی جِنَاں حُر کو بَڑھا سوئے حُسَیْن |
| اس لیے سَچ ہے کہ ہے جَنَّت نُمَا مَولا حُسَیْن |
| ایک اک کر کے محمد عَون قَاسِم وارے سب |
| دین کی خاطِر ہوا یوں با سَخا مَولا حُسَیْن |
| پھر على اکبر بڑھا سوئے عدو ہونے شہید |
| آج ہر اک ہو رہا ہے بس فِدَا مَولا حُسَیْن |
| پھر ہوئے بازو قَلَم عَبَّاس کے بھی سامنے |
| عازِمِ صَبْر و رَضا پھر بھی رہا مَولا حُسَیْن |
| جب على اَصْغَر چَلا سوئے جناں آرام سے |
| ہو گیا سب پر عَیَاں با حَوصَلَہ مَولا حُسَیْن |
| رہ گیا پھر بس علی اَوْسَط اُٹھا وہ شوق سے |
| وہ اگر جاتا، کہاں جاتے گَدامَولا حُسَیْن |
| پھر ڈَٹا مولا عَدُو کے سامنے لَہْرا کے تِیغ |
| یوں ہمیں سمجھا گیا دینِ خُدا مَولا حُسَیْن |
| مِٹ گئے سارے یَزیدی، جو مِٹانے آئے تھے |
| کُھل گیا سب پر کہ ہے زِندہ سدا مَولا حُسَیْن |
| آج رضْوی ہر طَرَف ہے تَذْکِرَہ جس کا چَلا |
| ہاں وہی تو ہے شَہیدِ کَرْبَلا مَولا حُسَیْن |
| از ابو الحسنین محمد فضلِ رسول رضوی کراچی |
معلومات