| ان کے ہی دم سے آج بھی رونق ہے طور کی |
| بد گوئی کیجیے نہ ہمارے حضور کی |
| آتش بلب ہوں آج نہ ٹوکے مجھے کوئی |
| دیکھے کوئی کیا ہو گئی رنگت حضور کی |
| سرِّ نہاں سے ہم نے جو پردہ اٹھا دیا |
| یوں بک رہا ہوں جیسے ہو آواز صور کی |
| نغمہ مرا ہے سازِ ازل میں ڈھلا ہوا |
| گر ٹوکتا ہے کوئی تو غلطی ضرور کی |
| دشتِ فنا سے گل سبھی رخصت ہوئے زبیر |
| دیکھوں گا کب کو ہوتی ہے رحلت حضور کی |
| عمرِ عزیز کٹ گئی کافر کے ہجر میں |
| لیکن اے ہمنشیں یاں عنایت ہے حور کی |
| اس نیلگوں فضا میں کسی کا ہے عکس دیکھ |
| ہر ذرۂ زمین میں حسرت ہے طور کی |
| ہر ایک صفحہ میں ہے حکایت بھی موت کی |
| پڑھ وہ کہ جس میں بات ہو یوم النشور کی |
| فطرت ہے آج خود کے ہی خالق سے منحرف |
| آزر میں بت میں آج کیا نسبت ہے دور کی |
| میری ہی ٹھوکروں میں زمانہ ہے رات دن |
| وہ خشتِ آستان بھی ٹھوکر سے چور کی |
| خود کو سمجھ کے زمیں آسماں کیا |
| اپنی ادا میں الجھا یہ حالت غرور کی |
معلومات