پنجابی غزل |
سدھراں دا جے خون ہووے تے شعر دی صورت ہوندی اے |
میری ہر اک نظم تے غور کرو درداں دی مورت ہوندی اے |
ایہ شعر جدوں میں لکھدا واں کجھ ہور تے حاصل نیں ہوندا |
اس من میرے دے مندر دی بس دور کدورت ہوندی اے |
اکھاں میٹ کے ویکھ لیی دا وصل دا ایہہ وسیلہ اے |
جد وی وچھڑے سجناں نوں ویکھن دی ضرورت ہوندی اے |
ایہ کافر وقت جوانی دا نیں کل مکلے کٹ ہوندا |
اس عہد دے وچ ہر بندے نوں ساتھی دی ضرورت ہوندی اے |
انور نمانا |
معلومات