| جہاں ہر سانس مرنا پڑ رہا تھا |
| تری دنیا میں کتنے دِن جیے تھے؟ |
| تمہاری دلکشی بدلی نہیں کیا |
| بدن کے کیا یہی جغرافیے تھے؟ |
| وفا کے نسخے میں تفصیل تو تھی |
| پہ زیرِ متن کتنے حاشیے تھے؟ |
| اگر مایوسیوں کے تھے اندھیرے |
| امیدوں کے بھی تو روشن دیے تھے |
| بڑا ہی چست مصرع بن رہا تھا |
| ردیفوں سے مگر تنگ قافیے تھے |
| تری آنکھوں کے بخشے تھے وہ سارے |
| مری غزلوں میں جتنے زاویے تھے |
| محبت، وصل پھر دردِ جدائی |
| وہ کتنے خوبصورت سلسلے تھے |
معلومات