| کبھی جواب میں رکھ کر کبھی سوال کے ساتھ |
| تجھے خیال میں لاؤں کئی خیال کے ساتھ |
| ٹھکانہ تھا ہی نہیں کوچۂ ملامت میں |
| کیا ہے عشق کو رخصت بڑے ملال کے ساتھ |
| کسی اصول کا پابند کہاں رہا ہے جنوں |
| ہوا ہے وا در امکاں اسی محال کے ساتھ |
| شب وصال کی یادیں تو شام ہجر کے غم |
| ہمارا ماضی ہے وابستہ تیرے حال کے ساتھ |
| اسی کی جلوہ گری ہے ہر ایک پیکر میں |
| ہے بام و در سے پرے دشت خد و خال کے ساتھ |
| حریف جن و ملک جانشین آدم ہوں |
| سو مجھ میں نقص نکالو مرے کمال کے ساتھ |
معلومات