| یکجا کلام |
| ہو ہم پہ کرم تُو ہی تو رحمٰن ہے مولیٰ |
| محبوبﷺ کی امت یہ پریشان ہے مولیٰ |
| بندہ تو گنہ گار ہے رحمٰن ہے مولیٰ |
| بندوں پہ کرم کرنا تری شان ہے مولیٰ |
| رحمت کیوں تری ہوگئی انجان اب ہم سے |
| آباد جہاں ہو گیا ویران ہے مولیٰ |
| غالب ہے غضب پر ترے مولیٰ تری رحمت |
| محبوبﷺ کا تیرے یہی فرمان ہے مولیٰ |
| غفار ہے تُو بخش دے صدقے میں نبی کے |
| کمزور ہے کمزور یہ انسان ہے مولیٰ |
| بندہ تو گنہ گار ہے رحمت تو بڑی ہے |
| میرا تو اسی بات پہ ایمان ہے مولیٰ |
| آقاﷺ کی محبت میں ثنا خوانی عمل ہے |
| بخشش کا فقط ایک یہ سامان ہے مولیٰ |
| آنکھوںمیں رہےبس ترے محبوبﷺکا جلوہ |
| میرا تو سدا سے یہی ارمان ہے مولیٰ |
| اب تُو ہی اٹھا لے وبا موذی یہ کرونا |
| خلقت یہ تری ساری پریشان ہے مولیٰ |
| دربارِ محمدﷺ میں ہو رمضاں کا مہینہ |
| دم جائے سخی کا یہی ارمان ہے مولیٰ |
معلومات