| پھر ماؤں بہنوں بیوی کی عصمت ہے تار تار |
| پھر بوڑھوں بچوں پہ بھی چلی جاتی ہے کٹار |
| پھر ظلم ناچتا ہے یہ بھارت میں ننگا ناچ |
| پھر حرکتِ بشر پہ ہے حیوان شرمسار |
| ظالم کی چپقلش میں بھی بیچے گئے ضمیر |
| اہلِ قلم بھی ہو گئے ظالم کے ہی اجیر |
| ظالم ہی اب ہوئے یہاں انصاف کے حکم |
| بے جرم خونوں سے رنگا اب دامنِ امیر |
| ہر ذرۂ زمین ہے خوں سے لہو لہان |
| قاتل بنا ہے ہند میں اب اپنا پاسبان |
| ہر اک زباں پہ آج سسکتی سی آہ ہے |
| ہندوستاں پہ آ گیا یہ کیسا امتحان |
| بنتا ہے یاں امیر جو قاتل ہزار کا |
| زندوں کے ساتھ ساتھ ہی قاتل مزار کا |
| کہتے ہیں پھر بھی پہلے سے بہتر ہے انڈیا |
| افسوس ہے کہ تم کو ہے شکوہ بہار کا |
| جرمِ نجیب کیا تھا کہ اغوا کیا اسے |
| بوڑھی ضعیف ماں ہوئی کر کے تلاش چور |
| حرکت پہ ہند سارا ہی خاموش ہے کھڑا |
| ہر شخص لگ رہا ہے کیوں انسانیت سے دور |
| افراز کو درندوں نے مارا ہے کس طرح |
| مرنے کے وقت اس نے پکارا ہے کس طرح |
| یکلخت پھر جلا دیا ظالم نے کس طرح |
| آنکھوں کے سامنے وہ شرارہ ہے کس طرح |
معلومات