| سوچتے رہتے ہیں ہم اُس کے بارے میں |
| وقت نہیں ہے، سوچیں اپنے بارے میں |
| سب سے زیادہ فکر ہمیں یہ رہتی ہے |
| کیا سوچیں گے لوگ ہمارے بارے میں |
| کیا تم نے اس بارے میں بھی سوچا ہے |
| کیا کہتے ہیں لوگ تمھارے بارے میں |
| اپنا ہے تو بیگانہ کیوں لگتا ہے؟ |
| ہم کو ہے یہ الجھن تیرے بارے میں |
| معمولی سی بات بتنگڑ بن جا تی ہے |
| کیا کہتے ہو یارو اس کے بارے میں |
| سعدی، سچ کہنے سے باز نہ آؤں گا |
| چاہے کچھ بھی کہہ لو میرے بارے میں |
| #سعید_سعدی دسمبر 2025 |
معلومات