| اے رشکِ حشر میرے دل کی اک چھوٹی گزارش ہے |
| اسے تیری نظر کے تیر سے آرام ہو جائے |
| کرے گا کیا بھلا اس شاعری کی نیک نامی کا |
| تمہارے عشق میں ہی ثانی کچھ بدنام ہو جائے |
| مزہ پا جائیں گے ہم سلسبیل و جامِ کوثر کا |
| ترے شیریں لبوں سے پھر ذرا دشنام ہو جائے |
| اسے سارے جہاں کی فتح ہے اور کامیابی ہے |
| جو تیرے تیر سے بھی بچنے میں ناکام ہو جائے |
| بتا کیوں اس کو ہو افسوس اب تیری محبت پر |
| تمہارا کفر بھی جو ثانی کو اسلام ہو جائے |
| شہادت پائیں ہم اب تیری آنکھوں کی کٹاری سے |
| خدائے پاک کا ہم پہ بھی یہ انعام ہو جائے |
| بنا چھیلے اسے یہ چوس کے ہی کھائیں گے ہر دم |
| ترا لب کم نصیبوں کا کبھی گر آم ہو جائے |
| شکستِ دو جہاں بھی اس کے آگے کامیابی ہے |
| نہ جانے کس گلی میں زندگی کی شام ہو جائے |
| گزارش ہے کہ میری بانہوں میں ایسے سما جائے |
| کہ جیسے ایک جیسے حرفوں کا ادغام ہو جائے |
| ستم کی دھوپ ہے ہم پر ذرا گیسو کے سائے کر |
| ترے شیریں لبوں کا تھوڑا سا اب جام ہو جائے |
| ازل سے الجھے گیسو اب سنور جائیں تو اچھا ہے |
| ہمیں ناکاروں سے شاید یہی اک کام ہو جائے |
| یہ حسن و عشق کی دنیا مری ٹھوکر میں رہتی ہے |
| ہاں چشمِ شوخ کی خاطر بھی یہ پیغام ہو جائے |
| بتا پھر کیا کرے گا گر کبھی یہ حادثہ ہو جائے |
| تجھے گر پھانسنے کو تیرا گیسو دام ہو جائے |
معلومات