| سلام بہ حضور مولا علی رضی اللہ تعالٰی عنہ |
| کلام :ابو الحسنین محمد فضل رسول رضوی |
| ہیں خلیفہ چہارم نبی کے علی |
| نورِ قصرِ خلافت پہ لاکھوں سلام |
| وہ علی جن سے خیبر بھی تھَرّا اٹھا |
| ان کی اس شانِ ہیبت پہ لاکھوں سلام |
| جن کی شمشیر سے ٹکڑے مرحب ہوا |
| تیغ کی ایسی صدمت پہ لاکھوں سلام |
| جن کو اپنا اخی خود کہیں مصطفیٰ |
| ان کی ایسی اخوّت پہ لاکھوں سلام |
| مشکلیں ہوتی ہیں حل علی کے طفیل |
| اس وسیلے کی شہرت پہ لاکھوں سلام |
| اولیا بھی کہیں ہیں علی مقتدا |
| اولیا کی قیادت پہ لاکھوں سلام |
| سلسلے ہیں طریقت کے جن سے رواں |
| جوشِ بحرِ طریقت پہ لاکھوں سلام |
| علم والے بھی مانیں علی پیشوا |
| علم والوں میں رفعت پہ لاکھوں سلام |
| فیصلے جن کے مانیں عمر برملا |
| فیصلوں کی صداقت پہ لاکھوں سلام |
| فاطمہ اور حسن زينب و شہ حسین |
| ان کے گھر بھر کی عظمت پہ لاکھوں سلام |
| ابوالحسنین محمد فضل رسول رضوی، کراچی |
معلومات