| احساس عدلیہ ہو ، جہاں دل کا راج ہو |
| ایسا سماج ہو ، کوئی ایسا سماج ہو |
| ماؤں کو حکم ہو کہ وہ بچوں کی تربیت |
| ایسی کریں کہ قوم کے خوں میں خِراج ہو |
| لہجے ہوں بچپنے کے دھلے اوس میں کہیں |
| خوشبو کی پیروی ہو تو کلیوں کی لاج ہو |
| اس کائناتِ رنگ سے آگے بھی کچھ تو ہے |
| ورنہ یہ کائنات بہت بے مزاج ہو |
| حسنِ خیال ہو، کسی شاعر کی دل ربا |
| باتوں میں مہر و مہ کا حسیں امتزاج ہو |
| کارِ جہاں خلوص کی عادت میں مبتلا، |
| ایسا ہو مبتلا کہ مرض لا علاج ہو |
| ایم آرساگر |
معلومات