| اِک ڈاہڈی سوہنی کُڑی (آزاد پنجابی نظم) از: مُصطفےٰ سجاد حیدر |
| کل مینوُں بہت ای چنگا لگا |
| سوہنی تے سُلکھی وی سی |
| ٹردی پھِردی دِل موہ لیندی |
| ہس ہس کے اوہ گلاں کردی |
| لِخ پڑھ کے کُرسی تے بیٹھی |
| لوکاں وِچ اوہ ونڈدی رہندی |
| عِلم دی دولت جو سِکھی سی |
| کپڑے پانڑ دا ڈھنگ وی جانڑے |
| لوکاں نال ورتانڑ وی جانڑے |
| کیہ کیہ اوہدی خوُبی دساں |
| لِخدا جانواں گل نہ مُکے |
| پر کل اوہنے حد کر چھڈی |
| باگے وِچ اوہ بیٹھی ہوئی |
| پڑھے کِتاب اِک موٹی ساری |
| سوچاں وِچ غرقاب ہوئی سی |
| ویکھیا ایہہ جد تے میں سوچیا |
| سارے بال تے ساریاں کُڑیاں |
| ایویں ای ربا شوق ایہہ پالنڑ |
| پڑھ لِخ کے تے دیوے بالنڑ |
| سارے ای بنڑ جاونڑ تارے |
| چھت تے چمکنڑ دیس دی اپنڑے |
| یاریاں پالنڑ نال کِتاباں |
| کھولنڑ نویاں عِلم حساباں |
| کل مینوُں بہت ای چنگا لگا |
| اُچی تھائیں عِلم دی ہو کے |
| وی ناں روکے شوق نوُں اپنڑے |
| باگے وِچ بیٹھی سی پڑھدی |
| نویاں گلاں سی پئی سکھدی |
| ہتھ میں اوس ماں دے وی چُم لاں |
| جِس نے ساہنوُں ایہہ تارا دِتا |
| کل مینوُں بہت ای چنگا لگا۔ |
معلومات