| کھیل ہی کھیل میں بتا جانا |
| تیرا انداز دِل کو بھا جانا |
| دِلرُبا اور کِس کو کہتے ہیں |
| دِلکش و دِلنشیں ہیں جاناناں |
| رت جگے، اِضطراب، رہ تکنا |
| یہ عنایات اُن کا فرمانا |
| چال اُس کی سماں قیامت کا |
| ہوش کے ہوش بھی بھُلا جانا |
| ساتھ تیرا مجھے لگے جیسے |
| چاندنی میں مِرا نہا جانا |
| جام اور مٹکیاں لیئے پھرنا |
| شام اُترے تو ڈُبکیاں کھانا |
| آج پھر آئے ہو سرِ محفِل |
| کیسے ہو گی یہ شب بسر جاناں |
| ہُوں تو آخِر میں ایک اِنساں ہی |
| زُعم کِس بات کا نہیں جانا |
| میرے نغمے اُسی کی بخشش ہیں |
| حیرتوں کا لِباس پا جانا |
| یہ کرشمے اُسی کے دَم سے ہیں |
| ناتواں کو گِراں بنا جانا |
| تیری حالت کو دیکھ کر حیدر |
| تُجھ کو ہے عِشق ہم نے ہے مانا |
معلومات