| دل پہ جو گزرے ہیں حالات رقم کرتے ہیں |
| اک نیا موڑ جہاں نظریں ملی تھیں ان سے |
| کیا پتہ تھا وہیں قزاق اجل بیٹھا ہے |
| جان و ایمان لٹا آہ لٹی چاہ لٹی |
| دل کو بتلاتا کہ چوروں کا بدل بیٹھا ہے |
| ہم نے سوچا تھا کہ پھر عشق میں کچھ نام کریں |
| پھر کسی شمع کی صورت کا سہارا لے کر |
| کیا پتہ تھا کبھی معصوم سی پلکوں پہ مری |
| آئے گا درد ان اشکوں کا جنازہ لے کر |
| ہم نے روشن جو کیا تھا پڑے ارمانوں سے |
| کیا پتہ تھا کہ وہی شمع لپک سکتی ہے |
| ڈھونڈ کر لائے جسے ہم کئی مے خانوں سے |
| کیا خبر مے اسی مینا سے ٹپک سکتی ہے |
| جلوۂ طور شمع کر کے پرائی سی شمع |
| ہم تو پروانہ کلیمی کی طرح جلتے گئے |
| پہلوئے عشق میں گھونپا جو گیا تیغِ ستم |
| اشکِ بے تاب میں غم ہائے نہاں ڈھلتے گئے |
| آشیاں میں نے بنایا کبھی جس ڈالی پر |
| وہی صیاد کو اپنا ہی پتہ دینے لگی |
| میں نے جن نظروں کو سمجھا تھا کہ جنت ہے مری |
| وہی اب جرمِ محبت کی سزا دینے لگی |
| جن حسیں لب پہ ابھی غیروں کا نام آتا ہے |
| انھیں لب پہ کبھی اپنا بھی تو نام آیا تھا |
| جن نگہ میں ابھی بھڑکا ہے غضب کا شعلہ |
| انھیں نظروں سے محبت کا سلام آیا تھا |
| ہم نے سمجھا تھا کہ بجھ جائے گی یادوں کی شمع |
| روح میں جل اٹھے بجھتی ہوئی یادوں کے دیے |
| خاک چھانی تھی کبھی تیری حسیں راہوں میں |
| کتنا سرگرداں ہوا تھا تجھے پانے کے لیے |
| آج ملتا ہے مجھے تیری نگہ کا یہ جواب |
| آج وہ بات نہیں پھر بھی کوئی بات تو ہے |
| ہم نگہ سے نہیں غزلوں سے تو مل سکتے ہیں |
| میرے حصّے میں یہ ہلکی سی ملاقات تو ہے |
| ہم نے خوابوں کے کئی قلعے کیے تھے تعمیر |
| ایک ہی شوخی میں ڈھا کر انھیں برباد کیا |
| آپ کا کچھ نہیں اپنا تو نصیبہ تھا یہی |
| ہم نے اپنے ہی نصیبے سے تو فریاد کیا |
| وہی فریاد کہ جو عرش ہلا سکتی ہے |
| میری بے تاب امنگوں کا پٹارہ لے کر |
| حیف کہ آج میں خود ہی سے یوں شرمندہ ہوں |
| منزلِ عشق سے چلتا ہوں کنارہ لے کر |
معلومات