| فتنہ تو وہ برپا یہاں کرتے ہی رہیں گے |
| الزام مرے سر پہ وہ دھرتے ہی رہیں گے |
| دنیا کے ستم سے کبھی پیچھے نہ ہٹیں گے |
| دیوانے ترے عشق میں مرتے ہی رہیں گے |
| بگڑی ہے یہ دنیا تو بگڑنے دو اسے تم |
| یہ گیسوئے خم دار سنورتے ہی رہیں گے |
| وعدہ بھی وہ کرنے میں تو کرتے نہیں تاخیر |
| وعدوں سے مگر اپنے مکرتے ہی رہیں گے |
| انصافِ محبت کبھی آگے کبھی پیچھے |
| ہر سمت ترے ظلم پسرتے ہی رہیں گے |
| ہے گلشنِ ہستی کا بھی ویران مقدر |
| اوراقِ مصور تو بکھرتے ہی رہیں گے |
معلومات