| مغرب کا تماشا سبھی دنیا نے تو دیکھا |
| بیچاری ہوا کرتی تھی اخلاقی خداوند |
| تم لوگوں کو بہتر رہی یورپ کی غلامی |
| احکامِ خدا کا ابھی مومن نہیں پابند |
| تہذیبِ فرنگی بڑی اچھی لگی تجھ کو |
| یہ زہرِ ہلاہل ہے تو سمجھا ہے اسے قند |
| تو ہی مجھے بتلا کہ یہ اسلام کا قانون |
| فطرت سے حنا بند کہ فطرت ہے حنا بند |
| کعبہ میں کیا شیخ نے کل وعظ اے مسلم |
| لازم نہیں تم لوگ ہو ایماں پہ عمل بند |
| الحاد تو پر زور ہے اسلام ہے کمزور |
| اچھا ہے کہ کر لیں ابھی یورپ کو رضامند |
| آغا ہیں یہ سب ان کا کہا مان کے دیکھو |
| واں کے سبھی بت لگتے ہیں اللہ کی مانند |
| تو کافرِ ہندی نے کہا شیخِ حرم سے |
| احمد تھا ترا باپ یا بولہب کا فرزند |
| اللہ کے سجدوں سے تو اکتا گیا ظالم |
| بت خانوں کے سجدوں سے ہے دل تیرا شکر خند |
| اب خدمتِ قومی کو تو سمجھا ہے قیودات |
| اور ہو گیا مغرب کے ہی غاروں میں نظر بند |
| ایمان کی خلعت ذرا بھاتی نہیں تجھ کو |
| تو چاہتا ہے کفر کی لگتی رہے پیوند |
| تو نے ہی تو پھیلائی ہے الحاد کی تعلیم |
| کافر ہوئی دنیا ز بخارا تا سمرقند |
| جب تک کہ تو الحاد کو کرتا نہیں سجدہ |
| ہوں گے نہیں راضی کبھی مغرب کے خداوند |
| احکامِ خدا حق ہیں مگر تیرے مفسر |
| قرآں کو بنا دیتے ہیں تاویل سے پاژند |
| منظورِ نظر تیرا ہے ہر کفر کا خوگر |
| ہیں خوار نگہہ میں سبھی مردانِ ہنرمند |
| خاشاک کے تودے کو میں کہہ دوں ہے یہ امید |
| کہ حق نے بنایا ہے اسے کوہِ دمانند |
| ہوں آتشِ نمرود کے شعلوں میں بھی خاموش |
| میں بندۂ مومن ہوں نہیں دانۂ اسپند |
| جب شیخ نے دیکھا کہ ہے ثانی شرر انگیز |
| تو کافرِ ہندی کا نہیں کر سکا منہ بند |
معلومات