| ہم میں جھگڑے کی وجہ کچھ بھی نہیں |
| قربتوں نے بھی دیا کچھ بھی نہیں |
| تجھ سے جو دور تھا ایسا ہی تھا میں |
| تجھ سے مل کر بھی ملا کچھ بھی نہیں |
| اب تو یہ رسم ہے گفتار کی بس |
| تیرے میرے میں رہا کچھ بھی نہیں |
| یہ محبت بھی تردد ہی ہے اب |
| اور جذبے کی عطا کچھ بھی نہیں |
| ہو ملاقات بھی اب کس کے لئے |
| وصل تیرے میں رہا کچھ بھی نہیں |
| اب وفا و جفا کی بات ختم |
| جرم کیسا ہے سزا کچھ بھی نہیں |
| اس کا مقصد تو محبت نہیں تھا |
| کیا ہمایوں یہ خطا کچھ بھی نہیں |
| ہمایوں |
معلومات