| تُو مجھے چھوڑ گیا اپنی انا کی خاطر |
| رابطہ توڑ گیا مجھ سے جفا کی خاطر |
| کیسے رنگین رہا تجھ سے تعلق میرا |
| خونِ دل ہم نے دیا رنگِ حنا کی خاطر |
| وہ جو لاتی تھی تری خوشبو مرے آنگن میں |
| ہم نے وہ یاد رکھا بادِ صبا کی خاطر |
| ہم تو چلتے ہی رہے دیکھے بنا منزل کو |
| ہم نے کب پیار کیا تجھ سے جزا کی خاطر |
| اپنی دھڑکن کو کیا تیرے حوالے میں نے |
| کتنا میں اور مروں تیری بقا کی خاطر |
| تجھ کو آئے نہ نظر شوق کی شدت میری |
| ہم نے کیا کیا نہ کیا تجھ سے وفا کی خاطر |
| اے ہمایوں ترا انجام یہ ہی ہونا تھا |
| عشق ہوتا ہے مری جان فنا کی خاطر |
| ہمایوں |
معلومات