| آج کے بعد کبھی یاد نہ آنا مجھکو |
| یاد آتا ہے وہی گزرا زمانہ مجھکو |
| تجھ کو جانا تو زمانے کے ستم بھول گیا |
| تم ستم زاد ہو کہتا تھا زمانہ مجھکو |
| تیر نکلا ہے کماں سے تو کہیں مار نہ دے |
| میرے صیّاد نے باندھا ہے نشانہ مجھکو |
| وہ بھی کیا دن تھے کہ ہر چیز جواں تھی ہمدم |
| مل گیا آج کوئی دوست پرانا مجھکو |
| مِل کے بچھڑے تو کئی بار ملے بچھڑے رہے |
| زندگی یاد ہے سب تیرا فسانہ مجھکو |
| تھک گیا ہوں مَیں غمِ ہجر میں چلتے چلتے |
| کیا کروں راس نہیں آیا ٹھکانہ مجھکو |
| مَوت کو دیکھ کے امید مرے ہوش اُڑے |
| یاد آیا نہ مگر کوئی بہانہ مجھکو |
معلومات