| تیغِ ستم سے اس کے ہے یہ دل کٹا ہوا |
| اب عشق میں بھی زخم لگانا روا ہوا |
| احسن ہمارے ساتھ عجب سانحہ ہوا |
| ہر اک ہمارے ساتھ کا اچھا برا ہوا |
| یاروں کی آستیں میں ہے خنجر چھپا ہوا |
| تڑپا کے کہہ رہے ہیں وہ احسن کو کیا ہوا |
| دنیا سے کوچ کرنا ہے اک روز مومنو |
| ہر سانس پر ہے موت کا پہرا لگا ہوا |
| کرتا نہیں ہوں بات میں کیف و سرور کی |
| سوز و الم کا دل میں ہے محشر سجا ہوا |
| شامل خزاں کی باؤ ہے میری بہار میں |
| خوشیوں کے ساتھ میرے ہے غم بھی لگا ہوا |
| جھانکا جو دل میں اپنے میں جب بھی اے دوستو |
| ہر بار بس اُسی سے مرا سامنا ہوا |
| تیری نگاہِ ناز کا سارا قصور ہے |
| کوئی مٹا ہوا ہے تو کوئی جھکا ہوا |
| پیتا نہیں ہوں پھر بھی ہے میرے حواس گم |
| اک روگ زندگی کو ہے یہ بھی لگا ہوا |
| شوقِ وصال یار نہ خواہش بہار کی |
| ہے آج کل چراغِ تمنا بجھا ہوا |
| کیا بات تھی جو بزم میں تنہا کھڑا تھا وہ |
| احسنؔ یہ آج بھی ہے معمہ بنا ہوا |
معلومات