| میں بھی نکلا تھا کہیں عشق کمانے کے لئے |
| دل کے آنگن میں کوئی دیپ جلانے کے لئے |
| ہو گئے اب وہ پرانے جو ملے زخم مجھے |
| پھر سے تیار ہوں میں دوست بنانے کے لئے |
| کر دو افکار کی ترتیب سے بیگانہ مجھے |
| دل میں اک سوز کہیں پھر سے جگانے کے لیے |
| دل میں طاقت ہے کہاں سوچ یہ آتی ہے مجھے |
| اک نیا بوجھ ترے غم کا اٹھانے کے لئے |
| اس ہمایوں کے ستاروں کی ہے گردش بھی عجب |
| غم ہی ڈھونڈوں میں ترے غم کو بھلانے کے لئے |
| ہمایوں |
معلومات