| منبعِ فہم و فراست حیدرِ کرّار ہیں |
| کشتئ بحرِ حقیقت حیدرِ کرّار ہیں |
| مصطفیٰ نے سونپ دیں ہیں سب امانات آپ کو |
| قاسمِ فیضِ نبوت حیدرِ کرّار ہیں |
| کیا بتاؤں میں عبادت آپ کی کا حال کچھ |
| ذکر جن کا ہے عبادت حیدرِ کرّار ہیں |
| خیبر و خندق ا حد ، اور بدر کے میدان میں |
| غازیانِ دیں کی شوکت حیدرِ کرار ہیں |
| ڈالی تھی اپنی زباں منھ میں رسول اللہ نے |
| اس لِیے بحرِ فصاحت حیدرِ کرار ہیں |
| ہے شجاعت وصف انساں کا بڑا ممتاز پر |
| جو بنے فخرِ شجاعت حیدرِ کرار ہیں |
| محترم ہیں سب صحابہ ہیں بڑے صدیق پر |
| دل پہ جن کی ہے حکومت حیدرِ کرّار ہیں |
| کنتُ مولا کا اثر ہے آج بھی یہ دیکھیے |
| دے رہے ہیں جو ولایت حیدرِ کرّار ہیں |
| باغِ دل میں ہے علی کے نام سے برگ و ثمر |
| ماہی کے دل کی سجاوٹ حیدرِ کرّار ہیں |
معلومات