| زندگی کچھ اس طرح سے ہو گئی مصروفِ کار |
| کوئی بھی سنتا نہیں مظلوم کی چیخ و پکار |
| جن کے دم سے چل رہا ہے زندگی کا کاروبار |
| کب تلک ہوتے رہیں گے وہ تشدد کا شکار |
| حضرتِ انسان کی تذلیل ہو کر رہ گئی |
| ایکدم اخلاق سے گر کر ہوا مجرح و قار |
| بن گئی پھر کوئی مجبوری نشا نہ ہوس کا |
| پھر ہوا بھوکی ضرورت کا تقدس تار تار |
| بچوں کے نازک بدن دم توڑ کر مرجھا گئے |
| آه گلشن کی ہوا آئی نہ ہرگز سازگار |
| خواہشیں سینے کی گہرائی میں دب کر رہ گئیں |
| ذہن میں پیدا ہوا سو بار گر چه انتشار |
| وہ خوشی کا مرحلہ آخر قریب آ ہی گیا |
| زندگی کو تھا بڑی شدت سے جس کا انتظار |
| آئیگا آئیگا لازم اک نہ اک دن انقلاب |
| حوصلہ بس حوصلہ ، بس اور تھوڑا انتظار |
| داستاں پھر سستی پنوں کی زباں پر آ گئی |
| دیکھتے ہی دیکھتے اونٹوں کی اک لمبی قطار |
| کھینچ کر رکھا کرو عاصم طنابیں وقت کی |
| کامیابی پاؤں چومے گی تمہارے بار بار |
معلومات