| کوئی ہے جو کرے امداد میری |
| سنے کوئی تو اب فریاد میری |
| زمانہ سنگ دل کہتا ہے جن کو |
| وہ سن کر رو دیئے روداد میری |
| مجھے یوں چھوڑ کر اے جانے والو |
| ستائے گی ہمیشہ یاد میری |
| میں حضرت میرؔ کا شاگرد ٹھہرا |
| بہت مضبوط ہے بنیاد میری |
| سخن میں میرؔ سا لہجہ ہے میرے |
| طبیعت بھی ہے کچھ ناشاد میری |
| مرے اپنے مجھی کو بھول بیٹھے |
| مرے دشمن کو آئی یاد میری |
| میں احسنؔ جا رہا ہوں اب جہاں سے |
| یہاں تک تھی فقط میعاد میری |
معلومات