| کب بدلتا ہے مری جان کہ ڈھلتا دن ہے |
| رات جب آگ میں جلتی ہے سُلگتا دن ہے |
| ایسے اُلفت سے تجھے لائیں گے رَہ پر اپنی |
| رات کو جیسے تسلسل سے بدلتا دن ہے |
| بس ترا وصل لئے کاش کہ بہتا آئے |
| دیدہِ شب سے اگر روز چَھلکتا دن ہے |
| تجھ سے گُفتار میں یوں کم ہوئیں راتیں لمبی |
| تجھ کو سنتے ہوئے ہر شب میں نکلتا دن ہے |
| صبح سے شام ہوئی رات کو تیری خاطر |
| کھوج میں شام تلک تیری بھٹکتا دن ہے |
| تیری تصویر سے آباد ہیں دن رات مرے |
| رات ہیں زلفیں تری، چہرہ چمکتا دن ہے |
معلومات