وہ رہ کے میرے پاس بھی جو دور دور رہ گیا |
نہ کہہ کے کوئی بات بھی وہ دل کی بات کہہ گیا |
چلی گئی وہ رات بھی گزر گئیں وہ ساعتیں |
جو تھے نہیں مرے لئے وہ غم بھی میں تو سہہ گیا |
یہ تیری بھی ہیں حجتیں یہ میرے بھی سوال ہیں |
یہ ربط تیرا ہے کمال مصلحت میں بہہ گیا |
وہ کام تیرے اور تھے وہ کرنے بھی ضرور تھے |
وہ لازمی نہیں تھا میں سو رہتے رہتے رہ گیا |
وہ کر دیا ہے ترک کیوں ہمایوں سے یہ سلسلہ |
خیال تھا وہ کون سا وہ دے جو تجھ کو شہ گیا |
ہمایوں |
معلومات