| ہم سے گلے نہیں کوئی اجڑے دیار کے |
| ہیں حوصلے جوان خزاں میں بہار کے |
| کانٹوں سے کھیل کے دیا گل کو شباب جو |
| کاٹے ہیں فاصلے بھی کئی ریگ زار کے |
| ہم نے بدلنے کو تری دنیا کے فیصلے |
| توڑے ہیں کوہسار قضا کی قطار کے |
| یہ بات اور ہے تجھے دینے کو زندگی |
| برسوں گزارے ہیں یونہی اس جیت ہار کے |
| اک شہر میں ترے کبھی جو آئے روشنی |
| ہر شام کو جلائے دیے انتظار کے |
| توڑی امید ہم نے نہیں دل کی بھی کبھی |
| من میں سجا کے رکھے ہیں پل اعتبار کے |
| وہ دیکھتا ہے راہ مری سوچ کے یہی |
| کھلنے لگے ہیں پھول کئی چشم یار کے |
| شاہد ! ہے جگ حسین بڑا دیکھے تو اگر |
| اس میں چمکتے چاند ہیں ، تارے وقار کے |
معلومات