| اگرچہ لبوں تک یہ آیا بہت ہے |
| غمِ دل کو ہم نے چھپایا بہت ہے |
| کہ کندھن بنانا تھا ہم نے بھی اسکو |
| ترے عشق میں دل جلایا بہت ہے |
| کہ ہم نے وفا کا بھی دامن نہ چھوڑا |
| کہ طوفاں بھی راہوں میں آیا بہت ہے |
| اسے وہ سمجھ میں کبھی کیوں نہ آیا |
| جو قصہ وفا کا سنایا بہت ہے |
| یوں مشکل جدائی کی اپنی جگہ پر |
| غمِ ہجر مجھ کو یوں بھایا بہت ہے |
| کچھ اپنے غموں کی بھی تھی اک کہانی |
| کچھ اس کی ادا نے ستایا بہت ہے |
| نہ نقصاں نہ گھاٹا کوئی بھی ہوا ہے |
| کہ سوزِ جگر بھی کمایا بہت ہے |
| میں ساکن رہا ہوں تری سوچ میں بس |
| اگرچہ جہاں نے ہلایا بہت ہے |
| عجب ہے کہ گم میں ہوا تجھ میں ایسا |
| نہ پا کے بھی تجھ کو جو پایا بہت ہے |
| سو ضد پر ہی اپنی اڑا رہتا تھا وہ |
| اگرچہ اسے تو منایا بہت ہے |
| ہے قائم وہ دل میں ابھی بھی ہمایوں |
| جو داغِ محبت مٹایا بہت ہے |
| ہمایوں |
معلومات