| ہر پاسے سرکار دیاں ایں تُمّاں نیں |
| دو جگ دے سردار دیاں ایں تمّاں نیں |
| پھلاں توں ودھ خوشبو پاک پسینے دی |
| سرور دی مہکار دیاں ایں تماں نیں |
| عرشاں فرشاں اتّے ذکر حبیب دا اے |
| آمنہ دے دلدار دیاں ایں تُمّاں نیں |
| کل زمانہ اوہدے خلق دا شیدائی |
| سوہنے دے کردار دیاں ایں تُمّاں نیں |
| حسنِ نبی دا دیوانہ ایں جگ سارا |
| رب دے اوس شہکار دیاں ایں تُمّاں نیں |
| کیہدے در تے درداں دا درماں ہندا |
| آقا دے دربار دیاں ایں تُمّاں نیں |
| گھر گھر جو میلاد منائے جاندے نیں |
| فیضؔ نبی دے پیار دیاں ایں تُمّاں نیں |
معلومات