سبز گنبد کی ہیں ساری برکتیں |
ہیں بڑی بے مثل اس کی رفعتیں |
اس میں جلوہ گر ہیں شاہ دوسرا |
سارے عالم میں ہیں ان کی رحمتیں |
جو تھا یثرب اب مدینہ پاک ہے |
آپ کے ہیں دم قدم کی نزہتیں |
واسطہ ہے آپ کو حسنین کا |
پوری ہوں ہر امتی کی حاجتیں |
اسوہ سرکار جو اپنائے گا |
دو جہاں میں پائے گا وہ عظمتیں |
حاضری کو مضطرب ہیں امتی |
ہاتھ باندھے کر رہے ہیں منتیں |
شوق ہو قرآن پڑھنے کا مجھے |
مشغلہ ہوں آپ ہی کی سنتیں |
قاسم نعمت حبیب کبریا |
بدل ڈالیں عاصیوں کی قسمتیں |
فیض کی بس یا نبی ہے التجا |
آپ کی حاصل مجھے ہوں قربتیں |
فیض رسول فیض |
معلومات