| ہاتھوں میں لے چراغ میں ڈھونڈوں نجیب سے |
| یہ وہ گہر ہے جو ملے شاید غریب سے |
| جس سے ملا لگا کہ ملا ہوں رقیب سے |
| چہرے مجھے تو سب کے لگے ہیں محیب سے |
| دکھتے بہت تھے خوبرو جب فاصلے پہ تھے |
| میک اپ کا تھا کمال دکھے جب قریب سے |
| چرچے بہت تھے اس کے کہ لقمانِ وقت ہے |
| مجھ کو لگا عطائی ملا جب طبیب سے |
| رستے میں ہمسفر تو ملا رازداں نہیں |
| ملتا ہے رازداں کوئی اچھے نصیب سے |
| اس رینگتی حیات میں بس انتظار تھا |
| لمحے فراق کے ہوئے مجھ کو صلیب سے |
| منزل مری پہنچ سے بہت دور ہی رہی |
| کرتا میں کیا کہ شغل تھے میرے عجیب سے |
| دل پر کچھ ایسا بوجھ ہے رونے سے اب ہٹے |
| روؤں گا جب ملوں گا میں اب عندلیب سے |
| شاہد جہاں کھڑا ہوں میں دکھتا ہے سب مجھے |
| پر کوئی پوچھتا نہیں مجھ سے نقیب سے |
معلومات