| گل بے رنگ فضا میں بھی نکھار نہیں |
| بہار آئی تو ہے بادِ نو بہار نہیں |
| میں دیکھتا تھا اسے تب یہ سانس چلتی تھی |
| عجیب وقت ہے اس کا بھی انتظار نہیں |
| میں کوئے یار کو جاؤں کہ سوئے دار چلوں |
| اب اپنے فیصلوں پر مجھ کو اختیار نہیں |
| ڈرے ہیں لوگ مسیحا کے انتظار میں ہیں |
| کروں میں کیا کہ مجھے خود پہ اعتبار نہیں |
| عجب وبا ہے غریبوں کو مار رکھتی ہے |
| امیرِ شہر کا اس پر بھی دل فگار نہیں |
| جو گر پڑے تو اسے روند کر گذر جائیں |
| عجیب لوگ ہیں کوئی بھی شرم سار نہیں |
| میں اکیلا ہی لڑوں کوئی بھی جاں نثار نہیں |
| جو کٹ گروں تو کوئی بھی غم گسار نہیں |
معلومات