درود ان پہ پڑھتا ہے پروردگار |
سخی ہیں وہ آقا حسیں تاجدار |
زمان و مکاں بھی ہیں سرکار کے |
ورودِ نبی سے ہے باغ و بہار |
دیا خلقِ اعظم خدا نے انہیں |
ہیں اوصاف ان کے بڑے شان دار |
حقیقت نبی کی بڑا بھید ہے |
نبی اس کے محرم خدا راز دار |
نہیں مثل ان کی کہیں بھی نہیں |
نہیں مثل والوں میں ان کا شمار |
بشارت دی نبیوں نے سرکار کی |
کیا سب نے جن کا بڑا انتظار |
اے محمود شہکارِ قدرت ہیں جو |
وہ محبوبِ رب ہیں نبی تاجدار |
معلومات