| گر من میں چاہ ان کی رکھتی قرار ہے |
| رہتا سدا یہ دل پھر ان پر نثار ہے |
| الطاف ہیں نبی کے ان کے اسیر پر |
| جن کی عنایتوں کا کس کو شمار ہے |
| وہ ہی کرم سے ان کے ان کی نظر میں ہیں |
| سچا جنہیں اے ہمدم دلبر سے پیار ہے |
| ان کی ثنا کے نغمے گاتی ہے کائنات |
| جن کے ورود سے یہ باغ و بہار ہے |
| ہر جا سرود حب ہے ذکرِ لبیب کا |
| یہ یاد ہی جہاں کی وجہہ بہار ہے |
| لایا ہوں نقش میں بھی بطحا سے یاد کے |
| ہے سبز ان میں گنبد جو تابدار ہے |
| جس کو ملا ہے زیور عشقِ حبیب کا |
| وہ بخت ور بڑا ہی سرمایہ دار ہے |
| محمود تو فدا ہے آلِ حبیب کا |
| داتا کے کرم سے تو ان پر نثار ہے |
معلومات