| مختار کے گدا کی جھولی سدا بھری ہے |
| ثروت ملی جو اس کو شانِ سکندری ہے |
| زد میں کہاں خزاں کے آیا چمن کبھی وہ |
| جس پر کرم کی چھایا آقا نے خود رکھی ہے |
| کب خوف اس کو باقی سودو زیاں ہے رہتا |
| دانِ نبی سے جس کی کھوٹی بنی کھری ہے |
| صدقے حبیبِ رب ملا دہر کو ملا جو |
| اپنے حساب سے یہ اس کی تونگری ہے |
| رحمت ہیں کبریا کی خلقِ عظیم ہادی |
| شاخِ امید جن سے ہر آن ہی ہری ہے |
| یہ آگہی جسے بھی مولا کے در سے ملتی |
| وہ جانتا ہے ہستی کس دان سے سجی ہے |
| محمود عاصیوں میں تو حشر جا رہا ہے |
| سرکار کرم کر دیں مولا کہے بری ہے |
معلومات