| عقل کی اس سے امّید ہم کیا کریں |
| عدل کی اس کو تاکید ہم کیا کریں |
| دھوپ میں بیٹھ پایا نہ جو عمر بھر |
| سائے کی اُس سے امّید ہم کیا کریں |
| چھوڑ بیٹھا ہے جو اقربا اپنے ہی |
| پیار کی اُس سے تمہید ہم کیا کریں |
| زندگی جس نے سب کی بنائی مذاق |
| عہد کی اس سے تجدید ہم کیا کریں |
| وہ اگر کر نہیں پاتا ہے کچھ یقیں |
| نقل کی اس سے تردید ہم کیا کریں |
| آتے جاتے پڑے جب ہماری نظر |
| لوٹ کر اس پہ تنقید ہم کیا کریں |
| چل رہے ہیں جو ہم اپنی ہی راہ پر |
| بے وجہ اس کی تقلید ہم کیا کریں |
| وہ غلط کام کہتا ہے کرتا بھی ہے |
| پھر بھلا اس کی تائید ہم کیا کریں |
| آپ ہی موت اپنی وہ مر جائے گا |
| طارق اب اس پہ تشدید ہم کیا کریں |
معلومات