| وارا یہ دل کسی پہ تو ہارا نہیں اسے |
| کیا ہم نے رکھا جان سے پیارا نہیں اسے |
| اس پر جو ہے بھروسہ کسی اور پر نہیں |
| ہم نے بھی بے سبب تو پکارا نہیں اسے |
| لاکھوں ہی جاں نثار پڑے اس کے در پہ ہیں |
| اک ہم سے دوستی کا سہارا نہیں اسے |
| اک بحرِ بیکراں ہے محبّت کا چار سُو |
| ساحل سمندروں کا کنارا نہیں اسے |
| وعدہ کیا تھا اس سے نبھائیں گے ساتھ ہم |
| سو ہم میں چھوڑنے کا تو یارا نہیں اسے |
| دعوٰی تھا ہے اسی کی امانت یہ جان و مال |
| گرچہ دیا تو سارے کا سارا نہیں اسے |
| ہیں بد نصیب پردے پڑے جن کی آنکھ پر |
| جھٹلا دیا ہے کہہ کے ہمارا نہیں اسے |
| طارق دعا میں یاد وہ رہتا ہے ہر نفس |
| بھولا تو کوئی ہجر کا مارا نہیں اسے |
معلومات