| دل کو جب فرقت کا صحرا دیجئے |
| آنکھ کو اشکوں کا دریا دیجئے |
| آئینہ یوں دل کا ہو جائے گا صاف |
| حسن کا دیدار کروا دیجئے |
| گر ندامت اس پہ ہے جو کر چکے |
| دل کو پچھتاوے کا جذبہ دیجئے |
| ہم رگوں میں خون بن کر چل پڑے |
| دل کے آنگن میں بھی رستا دیجئے |
| آس جو ٹوٹی تو مر جائیں گے ہم |
| اب تو تصویروں کو چہرہ دیجئے |
| مجھ کو سمجھانے سے کیا بدلیں گے دن |
| گردشِ دوراں کو سمجھا دیجئے |
| میں انا الحق کہہ بھی دوں اس بار تو |
| مجھ کو سولی پر نہ لٹکا دیجئے |
| دل کے آئینے سے بھی پوچھیں ذرا |
| یونہی منبر پر نہ فتویٰ دیجئے |
| کھا رہے ہیں پھل جو صبر و شکر کے |
| اب انہیں جنَّت کا میوہ دیجئے |
| منتظر ہے کب سے طارق آپ کا |
| لُطف کا اظہار فرما دیجئے |
معلومات