| گوروں سے تو ملی آزادی پر کالوں نے لَوٹا |
| یعنی اس بازار کے باسی دلّالوں نے لُوٹا |
| کسے دکھائیں دل کے دکھڑے کون لگائے مرہم |
| مجھے عمامہ پگڑی ننگے سر والوں نے لُوٹا |
| جس کو ہو مقصود بچانا اسے کریں مقفّل |
| کون بچائے ایسا گھر جس کو تالوں نے لُوٹا |
| قورمہ مرغ پلاؤ کی تو بات ہی جانے دیجے |
| اب تو سبزی مرچ مسالے سب دالوں نے لُوٹا |
| جمہوری دستور نہیں یہ مُک مُکا تھا لوگو |
| زرداری سے مل کر گنجے سر والوں نے لوٹا |
| زوجہ کہتی رہتی ہے یہ نہیں ہیں میرے بھائی |
| پھر یہ کون ہیں چور اچکّے جن سالوں نے لُوٹا |
| کھربوں کے منصوبوں میں یہ اربوں مال بنائیں |
| تیرا گلشن قائدِ اعظم دلاّلوں نے لُوٹا |
معلومات