خدا سے ملی ہے جسے بھی بڑائی |
یہ سمجھو نبی مصطفیٰ نے دلائی |
وہ نعمت کے قاسم جو جانِ جہاں ہیں |
ملی دہر کو ان کے در کی گدائی |
ضیا جو جہاں میں کراں سے کراں ہے |
تجلیٰ یہ نوری حرا سے ہے آئی |
سُریں اس کی سکھ چین ہے سب دلوں کا |
جو نامِ نبی کی ہے نغمہ سرائی |
عطا مصطفیٰ کی سدا گنجِ رحمت |
غموں سے جو دیتی ہے سب کو رہائی |
ملے ان کو شفقت کمالِ سخی سے |
جو مانگی غلاموں نے مشکل کشائی |
درود ان پہ دائم خدا کے ہیں آتے |
ہے قرآں میں یہ بات رب نے بتائی |
کریں اس پہ آقا کرم کی نگاہیں |
بنے طیبہ کا یہ جلدی سے راہی |
معلومات